People who are crazy enough to think they can change the world are the ones who do. -Apple
#bhajan
#ravikumar
#ajnishrai
#santoshpai
#srikanth
#ramavarma
#sanjaysubramanyam
#osarun
#chembai
#sooryagayathri

A sample of other songs in raagabox lyrics * 1 *

Koi JO Mila Toh

Lyricist: Javed Akhtar
Tag: other
Audio: https://www.saavn.com/s/song/hindi/Breathless---Shankar-Mahadevan-Javed-Akhta/Koi-Nahin-Hai/SRAl
Video:
´╗┐koi jo mila to mujhe aisa lagta tha
jaise meri sari duniya me
geeto ki rut aur rango ki barkha hai
khusbu ki aandhi hai
mahki hui si ab sari fizaye hai
bahki hui si ab sari hawaye hai
khoi hui si ab sari dishaye hai
badli hui si ab sari adaye hai
jagi umange hai, dhadak raha hai dil
sanso me tufa hai, hotho pe nagme hai
aankho me sapne hai
sapno me beete huye, sare wo lamhe hai
jab koi aaya tha, nazro pe chhaya tha
dil me samaya tha
kaise mai batau tumhe
kaisa use paya tha
pyare se chehre pe bikhri jo julfe
to aisa lagta tha jaise
bhawre ke piche ek
os me dhula hua, phul khila hai
jaise badal me ek chand chupa hai
aur jhak raha hai, jaise raat ke parde me
ek savera hai roshan roshan
aankho me sapno ka sagar
jisme prem sitaro ki chadar
jaise jhalak rahi hai
lahro lahro baat kare wo
jaise moti barse
jaise kahi chandi ki payal gunje
jaise kahi shishe ke jaam gire aur
chhan se tute
jaise koi chhip ke sitaar bajaye
jaise koi chandani raat me gaaye
jaise koi haule se paas bulaye
kaisi mithi bate thi wo
kaisi mulakate thi wo
jab maine jana tha
najro se kaise pighalte hai dil
aur aarzu pati hai kaise manzil
aur kaise utarta hai chand jami par
kaise kabhi lagta hai, swarg agar hai to
bas hai yahi par

usne bataya mujhe aur samjhaya mujhe
hum jo mile hai, hume aise hi milna tha
gul jo khile hai, unhe aise hi khilna tha
janmo ke bandhan, janmo ke rishte hai
jab bhi hum janme, to hum yu hi milte hai
kano me mere jaise shahad se ghulne lage
khwabo ke par jaise aankho me ghulne lage
khwabo ki duniya bhi kitni hasi
aur kaisi rangin thi
khwabo ki duniya jo kahne ko thi
par kahi bhi nahi thi
khwab jo tute mere
aankh jo khuli meri
hosh jo aaya mujhe
maine dekha maine jana
wo jo kabhi aaya tha
najro pe chaya tha
dil me samaya tha
ja bhi chuka hai aur
dil mera hai ab tanha tanha
na to koi arman hai
na koi tamanna hai
aur na koi sapna hai
ab jo mere din aur ab jo meri raate hai
unme sirf aansu hai, unme sirf dard ki
ranj ki baate hai, aur fariyade hai
mera ab koi nahi
mai hu aur khoye huye, pyar ki yaade hai
mai hu aur khoye huye, pyar ki yaade hai
mai hu aur khoye huye, pyar ki yaade hai