chaand maddham hai aasmaan chup hai
neend ki god mein jahaan chup hai
chaand maddham hai aasmaan chup hai
door vaadi mein doodhiyaa baadal
jhuk ke parbat ko pyaar karte hain
dil mein naakaam hasraten lekar
ham teraa intazaar karte hain
chaand maddham hai aasmaan chup hai
in bahaaron ke saaye mein aajaa
in bahaaron ke saaye mein aajaa
phir mohabbat javaan rahe na rahe
zindagi tere naamuraadon par
kal talak meharbaan rahe na rahe
chaand maddham hai aasmaan chup hai
roz ki tarah aaj bhi taare
subah ki gard mein na kho jaayen
aa tere gham mein jaagti aankhen
kam-se-kam ek raat so jaayen
chaand maddham hai aasmaan chup hai
