People who are crazy enough to think they can change the world are the ones who do. -Apple
Your subscription could not be saved. Please try again.
Your subscription to raagabox has been successful.

A sample of other songs in raagabox lyrics * 1 *

Allah Karam Karna
Music: Usha Khanna
Lyricist: Gauhar Kanpuri
Album: Dada(1979)
Tag: Hindi
Audio: https://www.saavn.com/s/song/hindi/Dada/Hum-Sabko-Nek-Raah-Chala
hum sabko nek rah chalana mere allah
bando ko burai se bachana mere allah
allah karam karna, maula tu reham karna
allah karam karna, maula tu reham karna

ik vakaya sunati hoon main apni zubani
apne bado se maine suni hai ye kahani
rehta tha kisi shehar me ek aisa bhi insan
jo nam ka muslim thha magar kam ka shaitan
zalim ko zor-e-bazoo pe apne guroor tha
yani ke bekhudi me khuda se wo door tha
sab log use kehtey the jallad sitamgar
masoom ki fariyad ka us pe na tha asar
jo wada us ne kar liya wo kar ke dikhaya
paiso ke liye qatl kiye khoon bahaya
ik din wo behta khoon asar us pe kar gaya
insan zinda ho gaya shaitan mar gaya
allah karam karna, maula tu reham karna
allah karam karna, maula tu reham karna

iman jise kehte hain farman-e-khuda hai
quran ke har lafz me us ki hi sada hai
allah ne bakshi hai jo iman ki daulat
ye sab se badi cheez hai insan ki daulat
soye huye dilo ko jagata hai ye iman
bhatke huyo ko rah dikhata hai ye iman
iman ki garmi se pighal jate hain patthar
is noor se bante hain sanwarte hain muqaddar
jo sab se pyar karta hai insan wohi hai
muslim hai wohi, sahibe-iman wohi hai
allah karam karna, maula tu reham karna
allah karam karna, maula tu reham karna

jis kam ke karne pe na ho razi koi dil
wo kam bhi is duniya me nafrat ke hai kabil
jo kuchh bhi zuban keh de wo iqrar nahi hai
laghzish hai labo ki wo gunehgar nahi hai
jo dil se nahi karta burai ka irada
allah se wo tauba karey tod de wada
jaldi jo sambhal jaye wo nadan nahin hai
iman jis me ho wo beiman nahin hai
duniya me hamesha to nahi rehta andhera
insan jahan jage wahi pe hai savera
allah karam karna, maula tu reham karna
allah karam karna, maula tu reham karna

jo sacche dil se karta hai iman ki arzoo
allah ki nazaron mein wo hota hai surkh-rooh
iman me kya kya na saha pyare nabee ne
kya aisi musibat bhi utthayi hai kisi ne
karbal ke shaheedo ne sabak hum ko padhaya
sajde me de ke jan ko iman bachaya
iss rah me jo sehte hain taqleef-o-musibat
ik roz un pe hoti hai allah ki rehmat
insan hai wo jo dusaro ka dil na dukhaye
pad jaye agar jan pe to jan lutaye
allah karam karna, maula tu reham karna
allah karam karna, maula tu reham karna